BARAJA ALUA 

Tarimo kasih Assalamualaikum...

Dalam pelaksanaan limbago adat untuak ba alua di rumah godang atau rumah bundo kanduang , anak kamanakan di acara turun mandi , aqiqah , sunat rasul , Olek nikah kawin saroto manujuah hari kamatian .  Tugas partamo Pangulu di Tompek iko adolah: 

- Manduduak an olek . sarupo manunggu di anak jonjang manyambuk tamu saroto manyuruah olek (tamu undangan jo panggilan ) naik rumah tompek acara di adokan .

- Olah duduak sado nan naiak , olah tibo sado nan datang , Malengong g kiri kanan mako toruh tugas kaduo  untuak maliek jodah saroto manyuruah olek makan .

- manyuruah makan parabuang kok ado Pangulu jo olek nan lah sudah Makan  , 

- Ka tigo tugas pangulu adolah manjawab tanyo atau koba nan datang dari  olek nan lah sudah minum makan. kok patuk ba iyo iyo ,mambuek jonji untuak manyudahi karang na olun suda , atau olek ma anta pangulu .

Ado juo pangulu dulu bacarito sobab musobab olek di undang jo ba panggia, sarupo olek aqiqah, sunat rasul atau ba iyo untuak acara olek kawin kamanakan . Carito alua di sasuaian sajo jo carito pangulu nan mamulai alua.

- Kok lah tumbuaj kasasuaian ,mufokat jo nan lainnyo kok bulek kah bisa di golongan ,picak di layang kan , kok patuk acara di poti ho Doa  mako di pa itian pulo jo olek 

- Kok lah spaindi muaro , pulau nan di tuju ,kok mamontak turun olek dari rumah  mako tumbuah pulo utang alua dek pangulu si pangka -  Sabolun olek di lopeh turun Si mintak izin jo rela saroto parmintaan maaf tontang : - Jodah kok indak ponuah , rumpang kok tak sisik , kurang kok tak tatambah , senteng kok tak tabilai .

-Saroto tontang kadudukan olek nan indak di tompek nyo, Oatuk di ujuang kok di pangka, patuk di tongah kok di topi. 

Kok olah di tarimo dek olek barulah ,Oleh di lopeh dek pangulu si Pangka untuk pulang ka tompek masiang². .

ALUA MANYURUAH MAKAN.

DATUAK.....

SUNGGUAH DATUAK SURANG NAN TAIMBAU

TAGAK DEK AWA KATO NAN SAPATAH

TAGAK DEK IMBAU NAN SAKALI

SALAM TAJELO KA NAN RAPEK

SOMBAH KA DATUAK TATIMPONYO

ADOPUN SOMBAH NAN KA DIMPOKAN PAO DATUAK

SAKOTU IKO KINI

DI TILIAK JO IJTIHAD,DI  PANDANG LUKIH DI LIMBAGO

PIHAK DI ANAK KAMA NAKAN KITO

SAROTO URANG SAMONDO

COPEK KAKI INDAKLAH MANARUANG,RINGAN TANGAN INDAKLAH MAMOCAH

NAN KA UNTUAK NYATOLAH NYO TARIAK

KOK BOBAN NYATOLAH NYO BAOK

ATEH JODAH NAN KA TONGAH

NYO JOPUK KA RUANG PANGKA

OLAH BA BAOK KA RUANG UJUANG

OLAH TIBO DI MUKO DATUAK

SAROTO DI MUKO URANG NAN BASAMO

OLAH DI USUA JO PARISO, 

LAH DI PANDANG ILIA MUDIAK

DI LENGONG KIRI KANAN

OLAH CUKUK SADO NAN TAMPAK,

OLAH GONOK SADO NAN ADO.

TAPI BAATOHNYONLEH TU KINI TUAK

 NIAT KO NAK NYO SAMPAI,

LIMBAGO NAKNYO TIBO

AYIA SATITIAK MINTAK DI MINUM

NASI SAKOPA MINTAK DI MAKAN

ITU NyO PINTAK JO PINTO KAMI

DI AROK DATUAK NAK MAMAKAIKANNYO

SOMBAH PENDEK SAKIAN SAJO

MAKLUM PULANG PADO DATUAK

( JAWAB OLEK ADO NAN LANGSUANG ADO PULO NAN BAIYO PULO BALIAU BALIAU TU DULU)

Contoh jawaban nyo.

LAH SAMPAI DEK DATUAK

DEK SOMBAH NAN TIBO DARI DATUAK

NAN TA UNJUAK BOKEH AMBO

TASERAK MUKO NAN RAMI

TATABUA MUKO NAN BASAMO

KOK BUNYI OLAH KADONGARAN

RUPO DI LIEK KAN LAH NYATO.

(kok ka baiyo baliau tu co iko aluanyo)

TAPI SUMANTANG PUN BAITU ,

DEK PIPIK DEK INDAK SAIKUA

JAGUANG INDAK SABATANG.

LINGKUANG BALINGKUANG KATO ADAT

KINI MALUANG KA LIMBAGO

DEK DI SITU TOMPEK ALUA

KINI NAK BABENTA ADAT SI SANAN 

NAK BAMAIN KATO JO PUSOKO

ANDAI KALALU JO KIASAN

RUNDIANG KA TIBO JO BALOBEH

BAPATUK JUO KASUDAHANNYO

BA UMPAMO BUNGO KA KOMBANG TUAK

CEMONG JO RONO BAMUKOSUK

TONTU KA BUAH ALAMATNYO

TARAGO DATUAK.MANANTI SAKUTIKO

KAMI BATINGGANG LAI DALAM ADAT

SIFAT MANANTI MALAH DATUAK.

SAKIAN DARI AMBO 

MAKLUM PULANG PADO DATUAK

(Di jawab dej si panka : Basyarikat tuak, Di dalam adat tuak )

(Mako baiyo ,barundianglah urang nan datang,

Dapek kato saiyo mako di jawablah ,rundiang nan datang.)

Contoh jawaban olek ka si pangka

DATUAK....

SAPANJANG RUNDIANG DATUAK TU

ADOLAH KATO SABONANYO

DEK KITO LAI SA ADAT SAUNDIKO

MALIN SA UGAMO

KOK TALALAI TRAGO BA UKUA

TALAMBEK DEK BAIYO

AMPUN JO MOOH KAMI PINTAK

IZIN JO RELA DARI DATUAK.

(Iyo......lah....../samo samo)

DATUAK .....

SAPANJANG RUNDUANG NAN KA TONGAH 

ADOLAH KATO SABONANYO.

KOK KATO INDAK KA BA ULANG

RUNDIANG INDAK KA DI SOBUK

JOJAK INDAK LAH KA BATIKAM

KOK DI ULANG KA ITU JUO

AMBO AMBIAK KATO NAN DI TONGAH

KATO PASAWANGAN

NAN JADI UJUANG RUNDIANG

KAN TONTANG JODAH NAN KA TONGAH

AYIA SATITIAK MINTAK DI MINUM ,

NASI SAKOPA MINTAK DI MAKAN

OLAH CUKUK SADO NAN TAMPAK.

OLAH GONOK SADO NAN ADO.

TAPI BATOH NYO LEH KINI

LIMBAGO NAKNYO TIBO,

DI AROK DATUAK NAK.MAMAKAIKANNYO

KAN IYO BAITU KATO DATUAK CAKO

(BONA JAWAB SI OLEK)

KOK SALORONG NAN BAITU

BAK BA UMPAMO URANG BALAYIA TUAK 

DUDUAKLAH DATUAK DI ANJUNGAN

AMBO NAK TOGAK DI HALUAN

MULAILAH DATUAK DI KAMUDI

NAK KAMI ANSUA MANDAYUANGKANNYO

SAKIAN SAJO KA SAUKNYO SAPONYO

MAKLUM DATUAK TINTANG ITU.

Dijawab pulo dek urang pangka

LAH SAMPAI DEK DATUAK

(SAKIRO OLAH JAWAB OLEK )

SAPANJANG KATO DATUAK CAKO

NAN KA JADI SAUK SAPONYO

PIHAK DI KAMI SI PANGKA LAN

KOK IRIK NAK BATALI, 

JINJIANG NAK BATAMPUAK

KAMI MULAI DARI SINYAK 

TURUK DEK DATUAK DARI SITU.

"BIAMILLAHIRROHMAANIRROHIIMM.

Katiko olek jo pangka lah mulai siap makan.

Mako si pangka , mamintak olek untuak  mamakan Parabuangan nan  tasadio. 

SASUDAH MINUM  JO MAKAN PARABUANGAN NAN ADO.

MAKO BAKATO  PULO URANG NAN DATANG /OLEK.

DATUAK.....

MAIMBAU PULO KAMI KAPADA DATUAK

DEK TAGAK LAH SUDAH MINUM JO MAKAN

PIHAK DI KAMI NAN MANDATANG.

LAH TARAGAK  PULO MANGATO NAN TAKONA.

MANYOBUK NAN TAJADI,PADO DATUAK

(Jawab si pangka Palalu lah dek datuak , singkek sajo jawabannyo)

(Mako bacaritolah olek nan datang ateh rigih di hati , nan tibik di kiro ateh boban nan babaok ka tompek iko )

DATUAK. KADARANGAN KAMI KA TOMPEK DATUAK  , SAJAK TURUN DARI RUMAH GODANG , DI MUKO JONJANG KA NAIK, MANUJU LOBUAH NAN GOLONG , KO LAH MASUAK KA KORONG DATUAK ,TUBO DI PINTU OLAH NAIAK , TIBO DI RUMAH OLAH MINUM MAKAN KINI NAK BACURITO BOBAN NAN BABAO.

ITU TONTANG ANAK KAMANAKAN .

BAK CUPAK NAK TIBO DI LABUAN

BATIMBANG BATANDO JADI

 BATAIL OMEH DI PAO.

TAYIA  OMEH TIMBANGAN BONA,

TANDO SAUJUDAN KATO.

LAH TIBO DI JUGALO TUANG,

 LAH OSAH KA LIMBAGO

LAH TIBO DI MUKO  DATUAK

 LAH TIBO DIMUKO NAN BASAMO 

LAH TAMPAK LELO RUPONYO

SOMBAH PENDEK SAKIAN SAJO, 

NAK BUNI KAMI DARI DATUAK.

(ARTINYO KATIKO BALIAU KO BACUITO , DUBALANG BALIAU OLAH MANG NONGAHKAN CARANO JO TEOAK KA TINGAH TONGAH LIMBAGO MINUM MAKAN )

DEK SI PANGKA BILO MASALAH KO KOK PROLU DI CARI KATO MUFOKAT MAKO MUFOKAT DULU SI PANGKA JO MAMAK EUMAH SAROTO IBU  BAPO , SIAP ITU BARU BULEK SAGOLONG TU DI LAYANGKAN UNTUAK MANJAWAB KATO DARI OLEK NAN DATANG .

Datuak...

DI UKUA DI PANJANGKOKAN

OLAH DAPEK.KATO NAN SAUKUA, 

RUNDIANG NAN SASUAI

KA PANJAWAB RUNDIANG DATUAK.

NAN JADI RUNDIANG DATUAK TU

NAN TA ADOK PADO.DIRI KAMI

CUPAK NAK TIBO DI LABUAN

BATIMBANG BATANDO JADI

 BATAYIA  OMEH DI PAO.

TAYIA OMEH TIMBANGAN BONA,

TANDO SAUJUDAN KATO.

LAH TIBO DI JUGALO TUANG,

 LAH OSAH KA LIMBAGO

LAH TIBO DI MUKO  DATUAK

 LAH TIBO DI MUKO NAN BASMO

LAH TAMBAH LELO RUPONYO

SOMBAH PENDEK SAKIAN SAJO, 

NAK BUNI KAMI DARI DATUAK

KAN BAITU KATO DATUAK CAKO.

(BONA)

KOK NYO SALORONG TONTANG ITU.

,LUKIH LIMBAGO ASA KATO

TILIAK JO TANDIANG KATO ADAT.

UNJUAK KO KAN BIASO BASAWUA.

TANGAN

 BATIMBANG TANDO NAMONYO.

LAH SAMO TA UNJUAK KA TONGAH

LAH SAMO TALAYANG KAMUKO, 

SATALI CUPAK JO PAKAINYO

SAPADAN OMEH JO PERAK.

OMEH PERAK BASONDI BUEK.

CUPAK PAKAI TARAJU BONA,

OLAH LAH TIBO DI WALAKNYO.

TAPI BATOHNYO LEH KINI,

KOK RUNDIANG LAH BA UKUA

KOK KATO LAH SASUAI,

YO BA ANDAI KATO BIDA.

KAIN SARUANG RAGI PALAKAT

ETEN DI TOKO ZAINUDIN

,IYO DI RONAH PAYO KUMBUAH

INTAN JO PODI LAH SAPOKAT

,PERAK LAH NOMUAH JADI CINCIN

TAGAK DEK TUKANG OLUN SUNGGUAH.

NAMUN BAATOH NYO LEH KINI

NAK SAMO SUNI DI KIRO KIRO

BAA ELOK KO NAK DAPEK DI PADOREH. NAK JAN DI TARIMO DEK NAN BURUAK .

SAUK PENDEK SAKIAN SAJO MAKLUM DATUAK RINTANG ITU (ARTINYO KA INGINAN SI OLEK OLAH BATARIMO).

DEK MARASO OLAH SALOSAI MAKO PANGULU SI PANGKA PATUK MINTAK MALOTAKAN KASAPAKATAN DI NAN TINGGI , MANYANDA KABBAN GODANG KOK PATUK MINTAK OLEK VA DUA MINTAK KA OLEK ATAU DI TINJUAK SAJO MALIN NAN DATANG . MAKO DI ULANG OANGGIA KA OLEK .

DATUAK.......SASUAI JO MUFOKAT KIRO SABONTAKO, NAK SONABG DI KIRI ,SOHUAK DALAM HATI , ANCAK LAH KITO GANTUANG KA NAN TINGGI , SANDA KA NAN GODANG , DATUAK POTI JO DUA FATIHAH JAMI DI SINYAK MANG MINKANNYO , MAKLUM DATUAK TONTANG  ITU.

KOK LAH SUDAH DUA BABACO KOK MINTAK TURUN OLEK NAN DARANG MAKO DI PINTAK  PULO MOOH JO AMPUN IZIN JO RELA DARI SI OLEK ATEH DUO PARKARO   

LAH SAMOAI DEK DATUAK . KA MANJADI SAUOK JO SAPONYO ATEK RUNDIANG NAN KATONGAH , PINTAK NAN TURUN TANGGO, MANUJU TOMPEK NAN DAULU KAN YO BAITI KATO DATUAK , NAN KA JADI SAUK SAPONYO  , SABOLUN PINTAK KA DI BORI , ATEH DATUAK KASADONYO ,TONTANG PIHAK JODAH NAN KA TONGAK , KURANG NAN INDAK BATUKUAK , SAYUK TAK TABILAI , SAEOTO TONTANG  KADUDUAK AN DATUAK BASAMO 

TINGGI KOK KURANG ANJUANG,

GODANG KOK KURANG AMBA

KO INDAK TALOTAK DI TOMPEKNYO,

 AMPUN JO MOOH KAMI PINTAK

IZIN JO RELA DARI  DATUAK DARI KITO NAN BASAMO. NAKLUM DATUAK TINTANG ITU.

KOK SALORONG NAN BAK ITU,

PIHAK DI JODAH NAN KA TONGAH

SAROTO JO KADUDUK AN KITO NAN BASAMO, OLAH TALOTAK SASUATU DI TOMPEK NYO

ANYO BAALEH TU KINI,

TONTANG PINTAK JO PINTO KAMI TUAK

NAK PAMBORI MALAH DATUAK,

SAKIAN SAJO DARI AMBO TUAK.

(JAWAB PANGKA)

SAPANJANG KATO DATUAK ,NAN KA JADI SAUK SAPONYO

PIHAK DI KAMI 

SILANG NAN BA PANGKA

PINTAK JO PINTO NAN MANDATANG,

UKUA JANGKO NAN MANANTI.

SAPANJANG PINTAK PINTO DATUAK

,KAMI LOPEH JO HATI SUCI

SAROTO MUKO NAN JONIAH,

SAKIAN SAJO KA SAUKNYO,

 PULANG MAKLUM PADO DATUAK.

(KAJAWABNYO)

KAMI PAKAI KAN LEH TUAK, 

ASSALAMU'ALAIKUM.

@@@@@@@@@@@@@@@@@@@@@@@

CONTOH ALUA NAN MUNGKIN BISA KITO KOMBANGKAN.

NAN KA JADI SAUK SAPONYO 

PIHAK DI KAMI SI PANGKALAN

PADO KOTU IKO KINI

DEK BASUO DALAM ADAT, DI LAZIM NAN BAPAKAI

BATOMU DI LIMBAGO. NAN LURUH MANURUK ALUA

KOK MANGECEK SASUDAH MAKAN,

BATANYO LOPEH JORIAH.

YO LAH PATUK NAN BA ITU,

 PALALULAH DEK DATUAK.

(jawab pulo dek pihak nan datang)

AMBO.BUKAK TUAK.

DATUAK........................

DATUAK......................   .

DATUAK........................

SUNGGUAHPUN DATUAK SORANG BADUO NAN TA IMBAU

PANGULU ADAT DALAM.JORONG

SONDI ANDIKO DALAM KAMPUANG

NAN MAMOGANG ULU TANGKAI

NAN MANJINJIANG TAMPUAK BUAH

ENGGERAN SILANG JO SALISIAH

SIDDIAK MANYIDIAK DALAM ADAT

JAUAH HARI LAH SAMPARONO

NAN BA UMPAMO.KAYU GODANG TUAK

BAUREK LIMBAGO MOTAN

,BABATANG ALUA JO PATUK

BADAHAN BARIH JO BALOBEH

BABUNGO RIMBUN JO ADAT,

BABUAH KATO NAN BONA.

DAHAN ROMPAK DAUNNYO RIMBUN

TOMPEK.BATODUAH KAHUJANAN

BOKEH BALINDUANG KAPANEH AN

DUDUAK MOTAN POKAT BA UNYI

BOKEH ULAYAT TOMPEK TUMBUAH

TUMBUAH SARUPO IKO KINI

SOBAB SUDAH MINUM MAKAN

KAMI NINIAK MAMAK NAN HADIR KO

NAK MANOMUI JONJI NAN BA PADAN

KARANG NAN BABUEK NAN DAULU

KINI NAK SAMO DI TOPOK I.

BAK ANDAI KATO BIDA, TUAK

BA ADAT  BAKONANG NYATO

BASYARIKAT BAKATO BONA

RUNDIANG OSAH POHAMLAH TONTU.

PUTIAHNYO BAK KAPEH DI CABIAK

JONIAHNYO BAK INTAN JO PODI

BUDI ELOK DI DALAMNYO.

DEK KITO BARU BATOMU,

 BAK CANDO PAMENAN ADAT

BATOMU BONANG JO SUTO BARINTIAK

MAKO BARAGI CUKIA  LALU KA UJUANG.

KOK LAI SAUJUK JO SAMAKOSUK

SUTO JO BONANG JAN BASA LISIAH

NIAT MAKOSUK ATI KAMI, 

CUPAK NAK TIBO DI LABUAN

BATIMBANG BATANDO JADI, 

BA TAIL OMEH DI PAO TUAK...

OMEH TIMBANGAN BONA,

TANDO SAUJUDAN  KATO

LAH TIBO DI JUGALO TUANG

,LAH OSAH KA LIMBAGO

LAH TIBO DI MUKO DATUAK,

 LAH TAMPAK LELO JO RUPONYO.

KARONO DEK LAH  BA ITU

NYATO GAYUANG SAMBUK MANYAMBUK

ADAT KATO MANYAMBUK JO MANYOMBO

TA UNJUAK SOMBAH PADO DATUAK

BANAMO  SOLAM  NAN MANIMPO,

KALAU DI RONTANG NOMUAHNYO PANJANG

ELOK DI KUMPA NAK NYO SINGKEK

DI AMBIAK.SAJO NAN PAGUNO

SINGKEK SOMBAK SAKIAN SAJO

NAK BUNYI KAMI DARI DATUAK.

(DI JAWAB PULO DEK PANGKA)

SAPANJANG KATO DATUAK TU

NAN KA JADI SAUK SAPONYO,

DI PIHAK KAMI SI PANGKALAN

PADO KOTU IKO KINI, 

BASUO DALAM ADAT BATOMU DI LIMBAGO.

TUMBUAH DI MAMAKJO SI BAPAK

KOK CUPAK LAH TIBO DI AYIA,

KOK GANTANGLAH DI RUMAH

BAUKUA KAMI DA ULU, 

SIFAT MANANTI MOLAH DATUAK.

(KAMI NANTIDATUAK/ DEK OLEK)

(SUDAH BARUNDIAN PANGKA MALANJTKAN S0MBAH )

DATUAK.......

.SAPANJANG KATO DATUAK CAKO NAN TALEWA PADO KAMI

OLAH DI PA IYO DI PATIDOKAN,

 DI UKUA DI PANJANGKOKAN

OLAH DAPEK.KATO NAN SAUKUA, 

RUNDIANG NAN SASUAI

KA PANJAWAB RUNDIANG DATUAK.

NAN JADI RUNDIANG DATUAK TU

NAN TA ADOK PADO.DIRI KAMI

CUPAK BAK TIBO DI LABUAN

BATIMBANG BATANDO JADI

 BATAIL OMEH DI PAO.

TAIK OMEH TIMBANGAN BONA,

TANDI SAUJUDAN KATO.

LAH TIBO DI JUGALO TUANG,

 LAH OSAH KA LIMBAGO

LAH TIBO DI MUKO  DATUAK

LAH TAMPAK LELO JO RUPONYO

SOMBAH PENDEK SAKIAN SAJO, 

NAK BUNI KAMI DARI DATUAK

KAN BAITU KATO DATUAK CAKO.

(BONA)

KOK NYO SALORONG TONTANG ITU.

,LUKIH LIMBAGO ASA KATO

TILIAK JO TANDIANG KATO ADAT.

UNJUAK KO KAN BIASO BASAWUA TANGAN BATIMBANG TANDO NAMONYO.

LAH SAMO TA UNJUAK KA TONGAH

LAH SAMO TALAYANG KAMUKO, 

SATALI CUPAK JO PAKAINYO

SAPADAN OMEH JO PERAK.

OMEH PERAK BASONDI BUEK.

CUPAK PAKAI TARAJU BONA,

OLAH LAH TIBO DI WALAKNYO.

TAPI BATOHNYO LEH KINI,

KOK RUNDIANG LAH BA UKUA

KOK KATO LAH SASUAI,

YO BA ANDAI KATO BIDA.

KAIN SARUANG RAGI PALAKAT

ETEN DI TOKO ZAINUDIN

,IYO DI RONAH PAYO KUMBUAH

INTAN JO PODI LAH SAPOKAT

,PERAK LAH NOMUAH JADI CINCIN

TAGAK DEK TUKANG OLUN SUNGGUAH.

NAMUN BAATOH NYO LEH KINI

NAK SAMO SUNI DI KIRO KIRO

BAA ELOK KO NAK DAPEK DI PADOREH

NAN JAN DI TIMP NAN BURUAK

 NYAMPANG KOK RAGU JUARONYO,

SOMBAH JO SOLAM PAMONUHI...

.KAN BA ITU KATO DATUAK CAKO...

KOK HANYO SATONTANG ITU,

DEK BIJAKJUARO BALAI

OLAH SASUAI NAN BAK BAJU

ELOK DEK URANG NAN MAMAKAI.

IBARAT POHAMNYO CUPAK

MAKIN DI KALI MAKIN DALAM

DI KORUAH JONIAH MAKONYO TAMPAK,

SOSAK TOMPEK LAPANGNYO PAHAM.

DUDUAK SORANG BASOMPIK SOMPIK

DEK BASAMO MAKONYO LAPANG,

PANDAI BATINGGANG DI NAN SOMPIK, 

DI SITU SANTOSO MAKONYO DATANG 

(TANDO BA MAIN AKA BUDI).

LIMBAK NAN DARI PADO ITU ,

DI TILIAK SOMBAH NAH NAN MANDATANG.

ISI DUO LOBIENYO SATU,

SOSAK TOMPEK JO SIRIAH PINANG.

SABUAH GAYUANG LAH BASAMBUK

KINI NAN LAIN DI PABERAI.

TODUAH HUJAN TORANGLAH KABUK,

NAN TAMPAK KAMI TUWAI.

UNJUAK DATUAK NAN TALANJUA,

ISI CARANO KAMI KAKOK

DI KUNYAH SIRIAH NAN SAKAPUA,

PINANG SADIDIH KAMI GOTOK.

TAPI SUMANTANG BAITU

,NAK SATUCUPAK JO PALIANGNYO

TANDO UJUK BANAMO SATU,

SAMO MANGUNYAH MOLAH KITO.

SAKIAN SAJO KA JAWEKNYO

MAK ALUN PULANG PADO DATUAK

---------------

MANOLAH DATUAK.....

BASOBAB DATUAK SURANG NAN BATUNTUK.

TAGA DEK BARIH JO BALOBEH

SUNGGUAH DAUTUAK SURANG NAN TASOBUK

BUKAN DEK BA INGGO JO BABATEH.

URANG GODANG  BOSA BATUAH

ANDIKO PANGULU ADAT

KA OMPEK SUKU DI NAGORI

NAN MAMOGANG SOKO ADAT

DUBALANG JO OMPANG LIMO

MANTI SAROTO PAGAWAI ADAT

PAHUBUANG KATO DI NAGORI

NAN  MANJADI PARIK PAGA

NAN MUDO PALAWAN DUNIA

CODIAK PANDAI SAMO DIDALAM

UMUMNYO URANG OMPEK JINIH

DILINGKUANG SOMBAH AMBO JUO

.

UJUK MUKOSUK BUAH RUNDIANG

POHAM NAK SAMO DI DALAMI

DI NAN TUMBUAH IKO KINI

BAGANTANG RASO KA PONUAH

BATANDO RASO LAI KA CUKUK

SOBAB DEK SUDAH MINUM MAKAN

KOK MAKAN NYATOLAH KONYANG

TIBO DI MINUM LAI OLAH PUEH

TANDO MAKAN LAI KONYANG 

BALOBIAH NASI PATAMBUAHAN 

TANDO MINUM LAI PUEH

BASISO AYIA DI GALEH.

MAMANDANG NAN SARUPO ITU

TAKANA AMBO JO PAPATAH

PAKAIAN LUHAK NAN BUNSU

LAZIM DIALAM MINANG KABAU

KALAU BATANYO LOPEH ORAK

JIKOK BARUNDIANG LOPEH MAKAN

ADAT ELOK LIMBAGO RANCAK

BAPAKAI SAPANJANG ZAMAN

ALUALAH SAMO KITO TURUK

TIBO DI CUPAK NAN BALILI

KINI TAKONA NAK MANYOBUK

IZIN DARI DATUAK KAMI NANTI

SAKIAN SAJO PANYOMBAHANNYO,

MAK OLUN PULANG BAKEH DATUAK.

===============================

LAH SAMPAI DEK DATUAK

NAN SAPANJANG RUNDIANGAN DATUAK TU

UNTUAK JAWBAN KATO KAMI

DEK DATUAK PINTAK BALAKU

DI BATIN KAMI MANYUKURI

DIDALAM ADAT NAN BAPAKAI

DILIMBAGO NAN KITO TUANG

NAK ULAM PUCUAK MANJULAI

SUMUA DI KALI AYIA NAN DATANG

KALAU NAN NIAT DALAM ATI

DI BATIN DATUAK KANLAH TAU

MANSIANG DI AMBIAK KINI

NAN SUMPIK SUDAH DAULU

TANDONYO YO BA ITU

PANGGIA DATUAK NYATOLAH MULIA

TIBO DI IMBAU BASAHUTI.

PIHAK DI KAMI NAN BASAMO

TAGAK DEK BUEK NAN MALINGKA

JONJI OLAH BATOPOTI

DARI JAUAH OLEK LAH DATANG

NAN AMPIANG TIBO DA ULU

DATANG NAN BA LOMBAI LOMBAI

TIBO JO ARAK IRIANG

MASUAK KA KORONG KAMPUANG  DATUAK

.SAMPAI DI TINGKEK ANAK JONJANG

MALANGKAH PANGODAN NAN MA LINTANG

DUDUAK BARADAT TONGAH RUMAH

BARIRIK DI RUANG TOPI

BASUSUN DI TONGAH RUMAH

BAMAIN EREANG GENDEANG

BATIMBANG BASO BASI

MANURUK ADAT JO LIMBAGO

MAMBAYANG NIAT NAN LAH SAMPAI

UJUANGNYO KAWUA SALAMAT

TOGUAH NAN BOLUN BAPAMOCIKAN

KOKOHNYO BOLUN BA PA MOGONGAN

.BAKATO BALUN BAKASUDAHAN

UNJUAK NAN BOLUN BABORIKAN

ILIA NAN TAK TAMPAK MUARONYO.

WALAU TAKUNGKUANG DEK BICARO

SABOLUN KA TAPAK TANGAN

HATI DIDALAM RAGU JUO

NAK NYATO SIANG BAK ARI

NAK OSAH TORANG BAK BULAN

LOPEH NAN DARI TAPAK TANGAN KAMI

KINI KA DATUAK BASORAHAN.

MUDO DEK KETEK JOLONG GODANG

ULEMU OLUN SACUKUK NYO

UMUA SINGKEK PANDAPEK KURANG

BIMBIANG DEK DATUAK JO BICARO

NYAMPANG TALANGGA BIO BARIH

DILUA MUNGKIN JO PATUK

KOK SOSEK BAOK KAMBALI

TALANGGA GONJUA LAH SURUK

USAH DI PUJUAK JO PATANGIH

LAI BAJAWEK BAGAMANG KAN

SUMBIANG KOK SAMPAI MALUKO I

DATUAK NAN USAH BALOPEH TANGAN

.KAMI NAN BALIHIA GONTIANG

DATUAK NAN BASOKIN TAJAM

BAK BULU LOKEK DI PUNTIANG

UTANG NAN USAH KA MANGGONGGAM

LIMBAK NAN DARI PADO ITU

KATO SAPATAH NAN DI PINTAK

KITO DEK URANG NAN BAJAUAHAN

DAGO DAGI JIN DI KAKI BUKIK

DI BAWAH MEJAN  NAN TATOGAK

IMANAT USAH DI LUPOKAN.

SAKIAN SAJO PINTAK KAMI

MAK.OLUN PULANG BOKEH DATUAK.

===============================

JAWAB NYO.

LAH SAMPAI DEK DATUAK

SAPANJANG RUNDIANG DATUAK CAKO

SAREK DEK ANDAI JO BIDARAN

SASUAI RUWEH JO BUKU

NAN BAK DI UKUA JO KIRATAN

DATUAK BATINGGANG DI NAN SULIK

LAUK MUSIMAN KIRO KIRO

KALAU NAN MIRIH KA BA PALIK

NAN TARUAH BATARIMO

LIMBAK NAN DARI PADO ITU

DEK DATUAK  KETEK.MUDO MATAH

DEK.KAMI GADIH JOLONG GODANG

GODANGNYO TABAO DAHAN 

TINGGINYO DEK TABALUN RUEH

LAI BATUNJUAK BA AJARI

ULEMU NAN OLUN SACUKUKNYO

SASAGO LOBIAH DEK DATUAK

SAKENDI IMBUAH DEK KAMI

BUNGKA NARACO KATIAN SAMO

NAN SULIK BONA MALIEK AN

ULU MUARO SAMO DALAM

TAPI SAMANTANG PUN BAITU

SARAK MAMBOREK PADO BAPAK

ADAT MAMBOREK BOKEH MAMAK

UNTUAK SAMO KITO BAO

BOBAN NAK SAMO KITO JUJUANG

.NAN BOREK SAMO KITO PIKUA

DATUAK NAN USAH LOPEH TANGAN

RUSUAHKAN PATAH DEK MALONTUA

IBOKAN SURUK KA TUANGAN

SABOLUN KETEK LAH DI PAGODANG

SA BOLUN ILANG OLAH BACARI

GABAK DI ULU KOK MAMBAYANG

PAYUANG PANJI LAH MANANTI

SABOLUN HANYUK KITO PINTEH

SUPAYO BURUAK JAN TASUO

DATUAK MAMANDANG DALAM RA IB

AMBO MA INGEK DALAM JAGO

LAI TASANDA KA NAN GODANG

OLAH TA GANTUANG KA NAN TINGGI

NYATI PINUAH BAK BAGANTANG

TIBO SI CUPAK LAH BALILIH

.LOMBAK NAN DARI PADO ITU

TONTANG IMANAT JO PITUAH

ASOK KA BADAN DIRI AMBO

BAGO JIWA UJUANG KUKU

DI BAWAH TANAH NAN SIRAH

IMANAT SI POCIK JUO

SAKIAN SAJO KA JAWAB NYO.

https://www.google.com