Adat Nagori Koto Baru Simalanggang.

 

 ADAT KOTO BARU SIMALANGGANG

Ini adalah catatan ulang Si ar Tuo Baraka (Hadarmi Tuo kampuang ,kampuang Piliang Dt. Manjuk )( Data keluarga Ambo ) Suduk Sambilan Tobek Panjang .

 Anda dapat menghubungi kami untuk kritik dan saran  lewat tombol berikut ini (klik di sini) :

Klik di sini  .

MANCAMPAK MODANG KA ULU 
KONAILAH ANAK SUDANG SUDANG 
APOKOH CUPAK DEK PANG HULU .
IYOLAH BAKUMAIN UNDANG UNDANG 

=======================≠======================≠==

     MANCAMPAK NAN  PARTAMO.

A,PANGULU.

PANGULU Adolah 
SESORANG nan 
BABUDI ALUH BABICARO DALAM.

Penghulu Di Minangkobau, manuruk warih nan bajawek,saroto pusoko nan batoloang. Bak cando Kayu godang ditongah koto, nan bapucuak  sabona bulek, nan baurek sabona tunggang, batang godang dahannyo  kuek, daun rimbun buahnyo lobek.  Batang godang bokeh basanda, urek bokeh baselo, dahan kuek tompek bagantuang, buah lobek  buliah dimakan, daun rimbun tompek balinduang ,Balinduang kapanehan, tompek batoduah kahujanan, iyo dek anak Jo kamanakan, nan salingkuang cupak Adat, nan sapayuang sapatogak, dibawah  payuang  dilingkuang cupak, nan  manjala masuk ka nagori. Kapoi  tompek batanyo, kapulang tompek babarito, kusuk nan ka manyalosai koruah nan ka manjoniah, hukum adia katonyo bona, sayak landai aianyo joniah. Siang ka manengok malam ka Mandonga , ateh adat nan Ba pakai , Alua luruh nan baturuk,  lobuah golong nan  batompuah. Kajadi bayang kato nan bona di kampuang Jo Nagori. Dek urang kasamonyo.

ADO TIGO PAKARO.

1. BADASARKAN PADO SYARAK NAN BAHADIST JO BA DOLIA (Dalil).
MAMALIHARO URANG BANYAK DARI KAUM NYO DI DUNIA HINGGO AKHIRAT.

CARONYO ,MANYURUAH BABUEK BAYIAK ,PATOGUAH IMAN PABANYAK TA'AT, MONOGAH BABUEK JAEK, MANJAUHI KUFUR JO BABUEK MAKSIAT,

Allah Subhanahu Wa Ta'ala berfirman:
(QS. At-Tahrim 66: Ayat 6)
*********************************************************
2. BADASARKAN HINDU SANGSKERTA.

******************************************
3 BADASARKAN ADAT MINANGKABAU.

Tinggi ba anjuang,godang di amba, ado dek lah tumbuh di matonyo ,dek mufokat di dalam luak nan tigo ,jo lareh nan duo,bagola DATUAK,
DI LUAK NAN TIGO, Luak Tanah Data(ba bandera kuniang). LUAK AGAM(ba bendera sirah). Luak nan bunsu Luak limopuluah (babe dera biru).

Sifat pangulu adolah sifat Nobi kito Rasululloh SAW yakni  ,Siddiq (luruh) ,amanah (jujur) ,fathonah (Cerdas) ,Tabligh ( Suko manyampaian ).

MARTABAT PANGULU ADO ONAM.

1.BARAKA. INGEK SAROTO TAU SAGALONYO TONTANG SYARAK JO ADAT.

2. BALEMU , KUEK POHAM JO MA'RIFAT PADO ALLOH SWT.

3.KAYO HATI.Banyak mambori maaf urang banyak.

4.BABUEK ATEH PATUK.

Sasuai Jo ukuran adat nan bapakai, Alua nan baturuk di jalan nan batompuah, (Indak takobua indak sombong.)

5.IMAT ATEH BARANG NAN ADO DARI AWA SAMPAI AKHIR.

6,SABAR DALAM MANYAMPAIAN KEBENARAN.

Kesepuluah Keadaan diri Pangulu  tu , di pagunoan untuak MAMALIHARO AGAMO JO HAROTO.
Sahinggo tumbuah SIFAT CODIAK di akal pikiran manusia, Di Minang kabau .

Allah Subhanahu Wa Ta'ala berfirman:"Qs, (Alma'idah s 5 ayat 48).

(QS. Saba' 34: Ayat 13).

********************************************************

Lareh nan duo : 

Lareh KOTO PILIANG.ADATNYO BA LANG GO LANG GI, dibuek DATUAK KUTOMANGGUNGAN.

Nan jatuah dari langik utang dek bumi manarimonyo, Kok Anyuk dari ulu utang Muaro ma iliakannyo, Patah Tumbuah ilang bagonti,Tumbuah tuneh di matonyo, Indak lari lenggang dari katiak,Pandai manyiangi sa olun tumbuah, melewai ikan dalam ayia tontu jantan batinyo.Gabak di ulu Tando KA Ujan, cewang di langik Tando KA paneh.tibo di buah jatuah indak kajauah dari batangnya.

Kamanakan barajo ka mamak, mamak barajo ka pangulu , pangulu barajo ka ka4 suku , ka4 suku barajo ka mufokat ,Mufokat barajo  ka nan Bona , Bona berdiri sandirinyo, Bona Alua nan baturuk ,Luruh jalan nan batompuah, Adat bajalan sandirinyo. Bajonjang nayiak batanggo turun, Alua luruh nan baturuk Adat Bona nan bapakai.Bumi Suko alam manjadi.

Lareh BODI CANIAGO. Adatnyo Tuah Sakato, cilako basilang, di bao DATUAK PARPATIAH NAN SABATANG.

Kamanakan barajo ka mamak ,mamak barajo ka pangulu, pangulu barajo ka ka4 suku ,Ka4 suku barajo ka mufokat, mufokat tunduk ka nan Bona , Bona berdiri sandirinyo.

Kok indak tumbuah sarupo itu, cupak ka dialiah urang manggaleh. Jalan ka dialiah urang paladang, Alah limau dek andalu, ABIH ADAT DEK BAKARILAAN NAGORI ABIH ADAT CAYIA, TINGGA MANUNGGU BISO KEWI.

IDUK SOGAN MATI TAK OMUAH, BAK KARAKOK TUMBUAH ATEH BATU, KA ATEH INDAK BA PUCUAK. KABAWAH INDAK BAUREK ,DI TONGAH DI GIRIAK KUMBANG.

Allah Subhanahu Wa Ta'ala berfirman:

ذٰلِكَ اَدْنٰۤى اَنْ يَّأْتُوْا بِا لشَّهَا دَةِ عَلٰى وَجْهِهَاۤ اَوْ يَخَا فُوْۤا اَنْ تُرَدَّ اَيْمَا نٌۢ بَعْدَ اَيْمَا نِهِمْ ۗ وَا تَّقُوا اللّٰهَ وَا سْمَعُوْا ۗ وَا للّٰهُ لَا يَهْدِى الْقَوْمَ الْفٰسِقِيْنَ

"Dengan cara itu mereka lebih patut memberikan kesaksiannya menurut yang sebenarnya, dan mereka merasa takut akan dikembalikan sumpahnya (kepada ahli waris) setelah mereka bersumpah. Bertakwalah kepada Allah dan dengarkanlah (perintah-Nya). Dan Allah tidak memberi petunjuk kepada orang-orang yang fasik."

(QS. Al-Ma'idah 5: Ayat 108)

TINGGA DI KITO MANENGGANGKANNYO. 

PANGULU ITU ADOLAH IKUTAN ORANG BANYAK, PEMIMPIN DARI KAUM NAN SAPAYUANG SAPATOGAK,

SARUPO NOBI MUHAMMAD SAW,

KASIAH KA URANG BANYAK. SIFATNYO SIFAT NOBI ,

 SIDDIQ,AMANAH ,FATHONAH,TABLIGH.

UNTUAK MAMALIHARO HAROTO.

CODIAK TU 8 PARKARO.

1. CODIAK DAKWA JO MANJAWAB.
2.CODIAK KECEK JO BACARITO.
3.CODIAK CANDO KA IYO.CENDEKIAWAN
4.CODIAK SURANG.TIPU TEPOH.
5.CODIAK MAAPUH JOJAK.MAMUTA KULIN
6.CODIAK BARAKA PANJANG.
7.CODIAK NAN TAU JO BARANG SASUATU.
8 ,CODIAK MANGAJI, PANDAI BADAKWAH .

CODIAK BA AGAMO.

1.BARIMAN ,PICAYO PADO ALLOH TAALA.
2.BAAGOMO ISLAM , IKUT AJARAN ISLAM, IKUT ALLOH SWT. DAN RASUL.
3.BERTAUHID. YAKIN BAHWA ALLOH SWT. ITU ADO ,QIDAM ,BAQO ,MUKHOLAFATTUHU LILHAWADIST DAN SETERUSNYO (sifat nan 20).
4. MAGHRIFAT , KENAL , MANGONA ALLOH SWT.

Kemampuan menguasai hal ² di atas akan melahirkan manusia nan codiak Tahu PANDAI (Cendekiawan).Pasiah lidah nyo ba kato KATO, Lomah lombuk suaronyo banasihat, iko kunci HATI manusia.

Untuak menguasai sapuluah PARKARO di Ateh ,Pangulu, SAROTO urang BANYAK nan ingin mamakaikannyo  punyo pantangan dalam ADAT Minang di Koto Baru Simalonggang ,luak limo puluah...

1. Indak buliah maurak nan lah Santoso , nan lah rancak di pandang Mato.

2. Indak buliah onjak ilia Jo Mudiak manggaduah .

3. Kiri kanan momocah Porang. (ma adu domba)

4.Miskin hati.( indak suko memaafkan urang sanagori).

5.Rundiang bak sarasah tojun, Indak ba makna ( Curito asa kababunyi sajo / mairuak).

6.Takobua. (Maraso paliang si anu ..)

Jikok ta buek nan bak itu alamat diri ka cilako, kampuang ka ilang maruah (Indak sogan urang jo nagori kito)...

Tumbuah nan bak itu Mako pangulu di bori utang , 

1.Babuek manuruk alua nan luruh (Sasuai adat jo agamo).

2. Manompuah jalan nan pasa ( Nan biaso di buek urang di nagori kito).

3.Punyo haroto pusoko di tangan (Ulayat nan olah turun manurun) .

4.Punyo Anak kamanakan nan ka di paliharo (anak buah /anak kamanakan nan ka di lindungi ,di aja i, ).

Alua nan luruh tabagi duo 
Nan bisa di buek Jo mupokat , 

Alua adat 
Nan Indak bisa di mufakati yaitu Alua pisoko ( nan kito miliki turun menurun, Adat salingka nagori saroto pisoko kampuang masing masing).

Jalan nan pasa Ado duo 
1, Jalan dunia (Beradat),  ba adat ba LIMBAGO, bacupak Jo bagantang.

2.Jalan akhirat (Ba agomo), Bahadis Jo ba dolia. Barisi iman Jo Islam.

*****************************************

****************************

Baradat itu adolah Memakai secara pasti dari aturan yang di mufakati (musyawarah), Tutua nan bajawek nan di sampaian ka4 suku ka pangulu tiok kampuang,  .  Nan di sumpah Jo sumpah "Adat nan babiso kewi". 

"Indak bapucuak kaateh , Indak baurek ka bawah , di Tongah di giriak kumbang, Iduk sogan mati tak omuah, bak karakok tumbuah di ateh batu ".

Sumpah nan bakalanjutan sampai ka anak cucu.

Allah Subhanahu Wa Ta'ala berfirman:

ذٰلِكَ اَدْنٰۤى اَنْ يَّأْتُوْا بِا لشَّهَا دَةِ عَلٰى وَجْهِهَاۤ اَوْ يَخَا فُوْۤا اَنْ تُرَدَّ اَيْمَا نٌۢ بَعْدَ اَيْمَا نِهِمْ ۗ وَا تَّقُوا اللّٰهَ وَا سْمَعُوْا ۗ وَا للّٰهُ لَا يَهْدِى الْقَوْمَ الْفٰسِقِيْنَ

"Dengan cara itu mereka lebih patut memberikan kesaksiannya menurut yang sebenarnya, dan mereka merasa takut akan dikembalikan sumpahnya (kepada ahli waris) setelah mereka bersumpah. Bertakwalah kepada Allah dan dengarkanlah (perintah-Nya). Dan Allah tidak memberi petunjuk kepada orang-orang yang fasik."

(QS. Al-Ma'idah 5: ayat 108 )".

(Na'uzubillahi minzalik.)

***************************

Ayat musyawarah

(QS. Asy-Syura 42: Ayat 38)

********""***"******"*******.Balimbago adolah 

- Partamo dalam diri pribadi bacando lukisan dalam hati nan di atur aka Jo ilmu , sahinggo joleh antaro jalan jaek Jo jalan bayiak. Itulah aka,( 'akal pikiran), pikiran bejana ilmu , (otak Bahaso kininyo).

- Kaduo adolah Lukisan/ Susunan dari Perangkat adat di sebuah nagari , Bajonjang nayiak batanggo turun . Jonjang ka nayiak adolah Ka4 suku jo daulat nyo, tanggo ka turun adolah Pangulu jo pangiriang nyo.

Di kato Ka4 suku jo daulat adolah Ka4 suku jo dubalangnyo, Manti (salah satu dari jinih nan ompek), Codiak Pandai , Tuo baraka, saroto mudo nan tanamo ( anak kemenakan berprestasi nan mambuek nagori orun ),

Iko lah pemimpin pemimpin nan mancari aka nan salalu bamufokat dalam manyalosaikan  salisiah jo sangketo , Dondam jo kasumat dalam nagori.

Di sobuk Pangulu jo pangiriang adolah Pangulu jo dubalangnyo, Bundo kanduang sarto Tuo kampuang di kampuang tiok pangulu nan ado.

Itulah pemimpin pemimpin di kampung satiok pangulu nan salalu mancari aka manyalosaikan masalah anak kamanakan (anak dek bundo kanduang² ,kamanakan dek pangulu ,  tuo kampuang jo dubalang kampung masing) .

Itu struktur dari Limbago tompek badirinyo adat di Nagori, Nan baboban mancari Aka untuak manyalosaikan masalah nan tumbuah saroto mambaok urang banyak di nagori mamakai Adat nan olah di sepakati bersama (Adat salingka Nagori).

 Itulah Lukisan Adat jo limbago , Pemimpin (Perumus 'akal budi jo mamakai nyo ) saroto nan di pimpin (pemakai akal yang telah di sepakati Di limbago Adat Nagori) dalam nagori nagori di Koto Baru Simalanggang.

Pengertian 'Akal.

Sahinggo akal dapek di bagi limo parkaro :

1.Aka manjala, aka nan ingin mandapek dari sagalo arah, suok kida, jauh dokek, untuk mandapek an sesuatu .
2. Aka sumbarang aka. 
Aka nak mandapek sajo, Manjala ilia Mudiak, piuh suok kida, Sasiuk nomuah KA api, salewai omuah KA ayia, 
Tacuai nak manariak, Tajombo nak mangonai.
Manuruah kasib Jo khianat, Nak dapek dek awak sajo, Banamo tamak Jo lobo. Tak dapek dek KA poi , KA pulang di singgahi juo.

3.Aka takumpua.
Manyuruak  sampai ilang, lolok saparo mati,agak lalu paham tatunbuak, awak Sorang sangketo tumbuah, aja Ado usaho kurang, dek manaruah sogan Jo ragu.

4.Aka tawakkal , Aka nan mananti takadia, mananti MONCIK mati dalam lubang, Dek manaruah iman Jo taat, Banyak basoba Sampai abih adat dek bakarilaan.

5. Aka nan sabona aka.

Aka nan Kito pelajari dari urang tuo Kito dari ketek, Aka nan tau Bona Jo salah, Aka nan tau Jo Hino Malu, Aka nan tau Jo Labo Rugi, Tau Ala Jo Haram ,joleh Sunat Jo wajib. Nan olah di setujui bersama (Mufokat, kamanakan barajo ka mamak, mamak barajo ka panghulu, panghulu barajo ka ka4 suku ka4 suku barajo ka ""MUFOKAT""). di Nagori koto baru Simalonggang.

Sahinggo MUFOKAT ko harus  kito miliki dalam Hati Kito jo pikiran kito di nagori ko nan baguno untuak memberi jawaban ATEH SADOAN  PERTANYAAN KEHIDUPAN (Kaifiat Hidup).

Itulah nan di katoan ULEMU ( Pengetahuan kehidupan).

( ULEMU itu adolah Kaifiat yang Ado dalan Hati. Sahinggo mampu manjago kenyataan sesuatu apo adonyo ).

Parkaro ulemu.

ULEMU dapek Kito bagi 4.
1. Lemu Patunjuak, Barisi palajaran pangatahuan yang mambori Patunjuak kehidupan yang baik.

2. Lemu Najwa, Lemu yang mambori Kito pelajaran dari  ,kisah, carito maso lalu.
Sahinggo kito mampu memiliki pemahaman untuk bisa MA AMBIAK CONTOH KA NAN SUDAH ( Tutua nan bajawek).

3. Lemu TAKUA (TAQWA). Lemu Tunduak , Lemu pangatahuan yang bisa membuat kita Takut akan suatu hal bilo kito malangga MUFOKAT nan di buek Limbago adat  dek  pangulu - pangulu nan olah di Sumpah , di nagori koto baru Simalonggang, sobab TANGAN MANCONCANG BAHU MAMIKUA.

4. Lemu barupo pangatahuan yang di ILHAMI.

Patunjuak nan datang dari alam MAHA Ghaib / ALLOH SWT ,Lemu dari Alam ghaib, Lemu ko ka  bacahayo dalam hati satiok manusia yang mendapatkan nya, ILHAM, KAROMAH, dllnya, ( Itulah Makrifat, sahinggo Olun takilek lah takolam, wallohu a'lam bisshowab).

****************************.

Allah Subhanahu Wa Ta'ala berfirman:

فَمَنْ يُّرِدِ اللّٰهُ اَنْ يَّهْدِيَهٗ يَشْرَحْ صَدْرَهٗ لِلْاِ سْلَا مِ ۚ وَمَنْ يُّرِدْ اَنْ يُّضِلَّهٗ يَجْعَلْ صَدْرَهٗ ضَيِّقًا حَرَجًا كَاَ نَّمَا يَصَّعَّدُ فِى السَّمَآءِ ۗ كَذٰلِكَ يَجْعَلُ اللّٰهُ الرِّجْسَ عَلَى الَّذِيْنَ لَا يُؤْمِنُوْنَ

"Barang siapa dikehendaki Allah akan mendapat hidayah (petunjuk), Dia akan membukakan dadanya untuk (menerima) Islam. Dan barang siapa dikehendaki-Nya menjadi sesat, Dia jadikan dadanya sempit dan sesak, seakan-akan dia (sedang) mendaki ke langit. Demikianlah Allah menimpakan siksa kepada orang-orang yang tidak beriman."(QS. Al-An'am 6: Ayat 125).

****************************.

Kepemilikan Akan Lemu pado satiok manusia punyo Muko nan babeda².
Sahinggo barubah sikap Jo sipat urang nan mamilikinyo, baik paham ,tingkah laku atau parangainyo. Jo tando tando nan nyato , 

1. Nan lah paham akan bicara Jo lomah lombuk, babudi aluh,Sopan santun, Sarupo Lemu Padi , makin barisi makin Tunduak /semakin MANAKUA, /TAQWA 

2 . Nan olum paham barubah Pulo parangainyo, Di ma DUDUAK nak Mangecek Jo bacurito, Di ma Togak nak Barundiang jo bicaro. Sarupo Anjolai Olun baisi olah Mangajobang.

Pemahaman ULEMU Diateh mampu membawa satiok manusia untuk  memahami Adat nagori sahinggo tapakailah ADAT, Dimano bumi di pijak di situ langik bajujuang.

Menguasai ilmu adat saroto mamakainyo di nagori sesuai jo ka adaan anak nagori kito . sahinggo tapakai istilah :

MUNGKIN JO PATUK.

 Mungkin dalam Lemu Adat Minang adolah suatu keadaan manusia yang sempurna memiliki Panca indera , 
Raso Tatangguang dek hati 
Pariso tarosam dek tubuah.
Sahinggo Cinto  di dalam hati talotak pado tompeknyo.
Manjadian Kiro² dapek Manjalani ,manarimo sesuatu keadaan sarupo Ayia. (ikolah pemahaman adat) Bilo bisa di miliki mako ,Pambaunan Tajam  sahinggo mampu ,Manyiang Saolun Tumbuah, Joleh Oram Jo Ala, Sahinggo mampu Pulo  Manimbang ateh Nan Ado.

Baitu Pulo patuk, Patuk ko Sasuai sadoan lemu (pengetahuan)ateh sasuatu.Apobilo batomu  antaro Mungkin Jo patukko , Mako tajadilah ,berdirilah 

 "ADAT DI LIMBAGO". 

Adat tu adolah : 

Dalam Tambo Minangkabau nyato Adat Nan Sabona Adat  adolah sagalo nan diwarisi dari Nobi Muhammad Saw. 

Asa warisan utamo  Rasulullah Saw. Itu adolah Al-Qur’an jo Sunnah.

***†**************************************

Hal ini semakin diperkuat dengan sabda Rasulullah SAW,

تَرَكْتُ فِيكُمْ أَمْرَيْن لَنْ تَضِلُّوا مَا تَمَسَّكُتُمْ بِهِمَا كِتَابَ اللَّهِ وَسُنَّةَ نَبِيِّهِ (رواه مالك)

Artinya: "Telah aku tinggalkan untukmu dua perkara: kamu tidak akan tersesat selama kamu berpegang teguh pada keduanya, yaitu kitab Allah (Al-Qur'an) dan sunah Nabi- Nya." (HR Malik).

****************************.

Iko nan bajadian suri jo tuladan, nan basusun jadi adat di alam minang kabau  umumnyo jo Koto baru simalonggang khususnyo

 Itulah sobabnyo kito harus tunduak pado nilai-nilai nan  diwariskan  Nobi Muhammad Saw. 

Bak andai urang tuo² kito :

 
“Mako bapikie-pikie aka sakutiko,
Oniang-oniang raso jo pareso,
 kamamakai  hukum kitab Tambo, 
kapado anak kamanakan nan sapayuang sapanjinyo, 
lalu ka wilayah nagori, dipatuk adat nan duo parakaro :

Partamo, Adat Jahiliyah.

 
Suko basorak jo basorai, togak maompang simpang jalan, 
diam di kayu nan barumbai, 
abih ari malam tak sodang, 
 barambuang pagi potang, Mabuak gilo Jo padusi, 
iduik sogan mati tak omuah, orang koreh kato tak lalu, hukum barajo di hatinyo.

***************************.

Allah Subhanahu Wa Ta'ala berfirman:

يٰۤاَ يُّهَا الَّذِيْنَ اٰمَنُوْۤا اِنَّمَا الْخَمْرُ وَا لْمَيْسِرُ وَا لْاَ نْصَا بُ وَا لْاَ زْلَا مُ رِجْسٌ مِّنْ عَمَلِ الشَّيْطٰنِ فَا جْتَنِبُوْهُ لَعَلَّكُمْ تُفْلِحُوْ

"Wahai orang-orang yang beriman! Sesungguhnya minuman keras, berjudi, (berkurban untuk) berhala, dan mengundi nasib dengan anak panah, adalah perbuatan keji dan termasuk perbuatan setan. Maka jauhilah (perbuatan-perbuatan) itu agar kamu beruntung."

(QS. Al-Ma'idah 5: Ayat 90).

******************************************

Kaduo, Adat  Islamiyah,

 
Manghukum adie jo bijaksano, hukum di caro Kitab Allah, nan tinggi tampak jauah nan dokek jolong basuo, tingginyo tak dapek dijuluak, godangnyo tak dapek dililik, dalam tak dapek diujak. 

Itulah pegangan pamimpin kito pangulu nan godang bosa batuah, datuak-datuak Ka4 suku, tuanku-tuanku nan duo tigo paseloan,
 imam kotik,  manti jo dubalang (ka4 suku jo Daulatnyo ,Panghulu jo pngiriangnyo) di Koto baru Simalanggang :

Adolah  Suluah bendang dalam nagori, titiek palito dalam alam, nan mamocik tali taraju, bungka nan piawai, Urang godang dalam Nagori, nan BAUREK balimbago motan, tompek kadudukan anak Jo kamanakan , batang Godang Jolong basuo , ka poi tompek batanyo , pulang Bokeh babarito, tompek basanda urang kampuang , Daun rimbun rimbun dek adat , tompek batoduah jo balinduang  urang sa Nagori , PUCUAK tinggi nampak jauh, babuah kato , KATO NAN BONA. ”

Adat Islamiyah ikolah nan harus manyatu dalam diri manusia Koto baru Simalonggang , tarutamo Dek Suluah bendang dalam Nagori kito.

Nan indak sasuai jo  perumusan fatwa orang-orang Alim Ahlul Adat, Ahlul Aqli dan Ahlul fiqi, indak sesuai jo  hadist, dalil, qias, dan ijma' nan di sampaian ulama-ulama terdahulu dengan ikrar nan olah disepakati secara bersama,di ""DI BUANG "", saketek indak di pakai, takuk kok takarojoan sahinggo jadi Fitnah dalam Nagori kito Nagori Koto Baru Simalonggang.

 Itulah ADAT nan sabonanyo adat .

Adat basondi syarak , syarak basondi kitabbullah.

 Syarak  adolah  ulemu agomo nan ma ajaan anak kamanakan ateh nan  bayiak - bayiak nan ka di pakai tiok hari , sarupo : 

 Ilmu fiqh, Syariat namonyo di baok dek Ongku luma tobik di suku Jambak.

Nan Sabona²nyo  dari kajadian nan tajadi, HAKIKAT NAMONYO ,di  bao dek Ongku Koti ,tobik di Bodi Caniago 

Mamasuakan ilmu nan bayiak², mambuang sado nan salah ka dalam diri satiok anak nagori di iyokan  Ati Jo pikiran , hinggo maubah  parangai tingkah laku,  bicaro , mangecek Jo barundiang, TAREKAT NAMONYO. Dibao dek ongku BILA di Malayu tobiknyo.

  Satiok saat  mangona nan sabonanyo , nan Bona sabonanyo adolah Al Qur'an Jo hadist,  punyo Tuhan Alloh SWTjo Bagondo Rasululloh SAW. Tuhan sekalian alam saroto nobi NYO Baginda Rosululloh SAW, 

MAKRIFAT NAMONYO ,di bao dek ongku Iman ,di Sambilan tobiknyo.

Hasil dari usaho baraja Jalan akhirat dari tuan nan ompekko saroto baraja Jalan dunia /Masalah adat jo Suluah Bendang nan lainnyo ,

Mako tobiklah aka di utak, kalua lemu dari dado, Kuek tobik dek tulang, Nan sabonanyo ,Tingga di nyawo, Nan lahia pado lidah , Barahasio pado bathin, nan bajalan Jo kato hati nan Bona 

Islam nyawo dek Ulemu, Ilmu Sondi dek Iman, Iman joleh ka pandindiang Hino Jo malu, Mako Dapek Rahmat lah nagori kito ,Koto Baru Simalonggang.

Sahinggo akhirnyo kito dapek mangatoan  : 

LIMBAGO adat tu adolah kumpulan ULEMU dari aka nan Ado, mampu badan diri (anak nagori) bisa mamakai nyo , 

Mako badirilah ADAT DI LIMBAGO . ( Bayiak dalam diri pribadi satiok anak nagori ,baitu pulo di NAGORI KOTO BARU SIMALONGGANG )

########################

Untuk manjago kalangsuang an Adat ko di Minang kabau  ba buek ukuran aturan nan banamo cupak jo gantang.

Cupak 

yaitu Adat nan di sukoi urang nagori.
Cupak artinya iyolah nan botua  sarupo  karojo nan ompek, sholat limo wakto tu sahari samalam, Jum’at sakali saminggu, sasuai jo Sunnah Rasul saroto Kitabullah, sasuai jo nilai-nilai ajaran agamo Islam nan ba anut saroto  diyakini masyarakat kito , indak buliah ditambah dikurangi.

Togak Luruh, Bakato Bona, Mahukum Adiea, indak sarupo mambolah botuang ciek ba pijak ciek baangkek 

Gantang.

Bak andai kato bida :
Nan kundi sakundinyo
nan sapotiang tali bajak
nan gonok duo boleh tahie
Dikikih barabih bosi
dibasuah barabih ayie
dianjak indaknyo mati
dibubuk indaknyo layua.
Gantang nan babubuang, 

Ukua Jangko, Barih Balobeh, nan basosok bajurami,bapondam bapakuburan,nan batiru batauladani,nan bajonjang naiak batanggo turun.”

Tontang Hadist nobi.yaitu nan datang dari nobi kito, Muhammad SAW.

Yakninyo 
-Suruahanyo togahan nobi Muhammad SAW
-Nan dibuek nobi, Muhammad Saw
-Fi'ia nobi Muhammad Saw.

Dolia adolah Kenyataan dari sasuatu nan bisa manorangkan, manandoan sasuatu pado kito (dalil) 

 Haroto pisoko dalam adat.

 Caro mamaliharo haroto pisoko ado 6 parkaro.

-Sumbiang di sisik.-Anyuk bapinteh-Ilang bacari-Patah batimpo.-Ketek ba pagodang-Buruak ba paelok.

Mamaliharo dalam adat ado 6 parkaro pulo.

-WILAYAT , 

PERENTAH MAMARENTAH.(sapayuang, sasuku,sanagori). Kamanakan barajo ka mamak , namak barajo ka Pangulu , Pangulu barajo kapado ka4 suku , Ka4 suku barajo ka mufokat , Mufakat barajo ka nan bona  (adat basondi sarak, sarak basondi kitabbullah), 

-HIKAYAT : 

CARITO LAMO nan lah balakuan untuk Pitunjuak maso nan Katibo, sahinggo kito sapayuang, sasuku,sanagori dapek basuko suko, (Tutua nan bajawek, Ambiak tuah ka nan Monang ,ambiak contoh ka nan sudah),

-NASIHAT : 

Adolah perkataan nan bayiak ², guno untuak di pakai dek kito basamo ², di payuang (soko) , sasuku jo sanagori , untuak toruh ma ingek an  anak kananakan sasuai jonjang adat (kamanakan saparentah mamak , mamak saparentah pangulu dst ka ateh).

-IMANAT 

adolah Kepercayaan yang di borian ka sasaorang atau nan kito tarimo, TUAH nan ado di payuang, di Kampuang Soko namonyo (gola pangulu) , di Nagori  SANGSOKO namonyo ( Ka4 suku , Nanti (jinih nan ompek ) Codiak Pandai ,Tuo baraka saroto Rang mudo nan tanamo ( Ketua ² pemuda, Ketua remaja mesjid , Ketua phbi jo nan lainnyo )  ,  Itulah urang ka mandapek tuah Nagori kito.

Tuah tu Namo bayiak dalam mampatenggangkan urang sapayuang,sakampuang,jo Sanagori, Gola PISOKO (Soko),Gola Ompek jinih, Gola codiak pandai,Gola Dubalang, Gola Tuo baraka (Tuak Parang). Saroto Gola Katua² nan tumbuah dalam kampuang jo nagori.( Indak alah tuah dek barani, Iko Guno tuah).

-MUSLIHAT :

Caro mandapekan aka budi nan lainnyo ,untuak bisa manakaluakan ,anak kamanakan.

( Jalan baduo nak di Tongah, artinyo kawan sajalan tu bisa kito ketahui hidup dan kehidupannyo ,lahir dan batinnyo. Kawan tu sangat picayo kapado kito ).

-HAD.

Bateh jo Caro dalam malakuan sasuatu sahingho nan LIMO PAKARO DIATEH INDAK SUMBANG dimato manusia , Mnimbua an DOSO di hadapan TUHAN. (pemilik dalil naqli) bateh kurenah kito dalam ma Ukua jo man jangko Had Namonyo .

Had dalam ukua jangko ado 8 pakaro :

Banamo ukua jangko nan salapan.

-Nak luruh Rontangan Tali. Supayo hubungan antaro satu jo nan lain indak tamakan garih .

-Nak Tinggi naik an Budi.

Malotakan parangai nan paliang sasuai jo parentah nan Satu , Alloh SWT. Dalam hidup .

-Nak Aluh  paelok Baso jo Basi .

Jikok bakato² jo lomah lombuk , banyak urang manarimo jo aka elok, Banyak giriak ka lalu, Banyak mukosuk nan ka sampai.

-Nak Mulia topok i jonji.

Di imbau manyauk, di panggia datang, di baok poi, 

-Nak Elok lapangan hati.

Kona sompik badan diri , bitu pulo urang lain.

-Nak kuek Poham di kunci.

Poti kaji,sudah²an baraja, jan co bungo kombang tak jadi .

-Nak kayo  kuek mancari.

Satiok usaho pasti di bori Rasoki dek nan Satu, Alloh SWT.

-Nak labo bueklah rugi. Suko mamokok i satiok Usaho nan balakuan nan bakarojoan, Jan untuak diri sandiri, untuak urang sapayuang,sakaum saroto sanagori di lakukan juo.

Kok di pakai Ukua Jangko nan salapan dalam adat ko, Mako :

Kok masuak saroto Tau.Bak tarotik urang Sumbayang, Kok kalua Saroto Takuk , Kasosi Sipat nan tujuah (*lmu , Kalam, Mandonga ,Maliek, Kudorat, Iradat, Hayat ........). 

Adat ka bajalan Sandirinyo.

Tapi kok indak Tapakaikan,

Iduk bak Nagori indak BATUAH, Kampuang indak ba Nan Tuo.

Bak bajaga samo godang,.Cupak dialiah urang panggaleh(Anak dagang, urang datang) Jalan di anjak urang baladang (simondo, urang malokok, urang lua  nan mamboli tanah ulayat kito ), Kok Adat bakucindan , Bak kayu lungga kobek, Bak batang balilik ciek, Binaso Nagori jadinyo.

 Itu undang² nan balaku , itu lotak warihnyo, usah disosa jo di tangisi .BAITU ADAT JO PUSOKO KITO. TINGGA MANUNGGU BISO KEWI.

$$$$$$$$$$$$$$$$$

Nb : Saran penulis :

Untuak bisa terlaksananya Mufokat sasuai Adat , mako sabaiknya "Semua unsur Adat kito longkok i. Nan olun ponuah nampaknyo Daulat ka4 suku di Nagori Koto Baru Simalanggang, Saroto urang nan ka mamogang sangsoko ko Soko nanlah godang kabalerong. 

Pisau sirauk sidarumin , Buatan anak rang ayia putiah, Nyato lauk lah lamo di pacomin Tanggo balayia nan olun buliah .

Baapo pun codiak jo pandainyo anak kamanakan di Kampuang, kalau Soko olun godang ka balerong , olun leh buliah ma ruang ka nagori.

@@@@@@@@@@@@@@@

Untuk bacaan berikutnya dapat anda klik tulisan² di bawah ini :.

- Mancampak nan kaduo 

- Mancampak nan katigo

- Mancampak nan ka ompek

RANJI ADAT MINANG

-YANG PERLU DI KUASAI PARA PEMIMPIN NAGARI

- MEMBENTUK ULANG KARAKTER.

CARA BENTUK MASYARAKAT TAQWA.

CARA INSTAN ATASI MASALAH.

- Merdeka manuruk adat Nagori kito

Sifat Tapiliah dalam adat

Angkek tolua

Kayo dalam ilmu adat.

-ADAT DALAM KESEHARIAN.

- Adat basandi SYARAK , SYARAK basandi kitabbulloh

- Dasar berzikir di Masjid, surau dan mushola.

- PSIKOLOGI

- HARTA PUSAKA

- CUPAK

- Pituah ka nan mudo

- ALUA PASOMBAHAN 

- Martabat nan onam

- NINIAK NAN BAROMPEK

- Nan Ompek

- 8 SOBAB MAMBANGUN SOKO

- Ukua jangko nan salapan .

- FALSAFAH ADAT

- ASAL TUAH

- Tompek salah

- LARANGAN NAN OMPEK

- Cemo

- SOMBAH ANDIKO.

- PUCUAK TINGGI NAMPAK JAUAH.

- TALI TIGO SAPILIN.

- KEADAAN HUKUM DI MINANG.

- NAGORI KOTO BARU SIMALANGGANG.

- wEB SITE NAGARI KOTO BARU SIMALANGGANG.

- AHLUS SUNNAH WAL JAMAAH Dan bedanya dengan MUK TAZILAH

AMANAT KONSTITUSI

HUKUM KELUARGA.

Buku saya.

PANJAT PINANG.

Kesadaran diri , .

- Penulis blog ini

- Usaha Penulis.

- SARAN PENULIS

Akia Kalam nan batulih, di Sakotu Iko kini, Iyo bak kato Tambo juo.

Barundiang di dalam barih, bakato di alua Jo patuk, kok batanam di dalam paga, 

Nak elok salendang dunia, nak ulam PUCUAK manjulai, nak ayia pincuran tobik, Nak licin cahayo mandatang, Nak aluh kilek lah Tibo.

Kok gantang di bodi caniago. Cupak di koto rang Piliang, Dunia abih kiamat Tibo, Lobuah Luruh jalan basimpang.

Limbago jalan batompuah, Itu nyo karojo niniak mamak, Sarugo dek iman Toguah, Naroko dek laku awak, 

Tinggi ba balai kok tapancuang, Panjang tajelo kok ta korek, Masuak an Mato ka dalam saruang, Gonggam lah ulu orek orek.

Pihak imanat nan lah sudah, Ulemu di situ di putusi, 

Lahia Jo bathin kok barubah, 

IDUK DI MAKAN SUMPAH BISO KEWI

KATEH INDAK BA PUCUAK, KA BAWAH INDAK BA UREK, DI TONGAH DI GIRIAK KUMBANG, IDUK SOGAN MATI TAK OMUAH BAK KARAKOK TUMBUAH ATEH BATU.

NA'UZUBILLAH MINZAALIQ.

Penulis mintak maaf nan sagodang ka hadapan Mamak kasadonyo, Mintak ampun ka ALLOH nan Qodim.

Bak andai mamak juo :

Tobik luko dek pisau tajam. Luko nampak badarah darah. Duo tigo ubek panawa ,Dek PUCUAK ubi sehat juo, .

Tapi luko dek lidah tajam , Nomuah mandonyuk ka ubun², luko di lua indaklah mangosan ,namun di dalam romuak rodam, bak umpamo kain balipek ,di lua lipek tak mangosan di dalam ragi cayia manggaradai ..

SEKIAN TERIMA KASIH .

Kembali ke Google.