PEMIKIRAN UNTUK PERUBAHAN

 KEGAGALAN ITU BERMULA DARI AWAL.

Assalamu'alaikum waroh matullohi wabarokaatuh.

Partamo sakali marilah kito mengucapkan puji syukur pada Alloh SWT , nan mano sampai saat kiniko  kito masih di beri waktu untuk ikut serta di dunia , negara , nagori saroto kampuang jo rumah urang rumah. ,Semoga kehadiran kito di dunia ko selalu berlimpah  hidayah , ilmu pengetahuan ,akal sehat saroto  kesempatan untuak berbuat baik , tando kehadiran kito , Aaamiinn ya robba 'alamiin., Selanjutnyo tak lupo pulo kito basholawat  ka nobi kito , Bagindo Rosululloh sAW saroto bagindo Nabi Ibrahim  ,semoga Alloh SWT selalu mencurahkan Berkah dan rahmat pado Baliau² saroto klg² Baliau .  Aaaamin aaamiinn ya robbal 'alamin.

Tak lupo salam buat mamak ² ka4 Suku ,mamak²Pangulu Semoga Datuak² kasamonyo totap dalam limpahan Rahmat Allh swt juo Aaamiinn.

Salam Buat Rajo Agamo ,jinih nan ompek ² nan adi di Tanah Ulayat Koto baru Simalonggang .

Terakhir salam buat Undang nan balikih , Wali Nagiri Koto Baru Simalonggang dan jajaran kantor pemerintahan ke Walian kito.

Di siko ado nan ka ambo curitoan , donga dek kito nan basamo !  

 Melihat perjalanan waktu, Dari rentetan masa yang telah berlalu , Taroh kito ambiak maso nan paliang dokek , Maso kumbali ka surau , Babaliak ka nagori , 4 jo 5 Peminpin nagori ( Wali nagori) olah  batuka siliah bagonti  .  Beliau² para wali nagari terpilih itu telah mengeluarkan segala daya upaya  ,Ilmu dan pengetahuan ,aka budi nan indak saketek , Ada nan lah barubah sesuai program pemerintah . Tapi nagori kito bukan sajo tompek babuek bayiak penerintah , tapi juo tompek babuek bagi kaum agamo jo kaum adat . Apokoh kaum kaum ko olah manyatuan kakuatan (bersinergi) untuk memicu kemajuan Nagori ?

Ambo Hadarmi maliek ,iko olun leh bakarojo  samo sacaro nyato . Kito masih maliek  , kito asyik saliang tunggu ,arok ma arok an.  Kito masih mambori pihak pihak di antaro tungku tigo sajorongan saling mawakili mangakok karojo, mamutuh an parkaro ma ambiak kesepakatan nan indak sasuai jo ADAT NAN KITO AKUI BAHASONYO ADAT TU KITO PAKAI. 

ITULAH SALAH DARI AWAL NAN AMBO MAKOSUK.

Dalam hal pengambilan keputusan. nan ka manjadi UNDANG di nagori , Aturan nan ka di pakai anak kamanakan saroto urang nan manumpang  iduk di nagori kito,  toruh di lakukan dek sepihak sajo dari Tungku tigo sapilin nan jadi PEMIMPIN di nagori.. (red . mungkin ado pihak terkait ,tapi indak menyeluruh , indak sadonyo nan soto Sasuai limbago adat nagori Kito. ).

Talobiah lobiah kito tau bahasonyo nan buliah mambiang cabiak, manggontiang putuh dari pihak Pangulu adolah nan lah GODANG  ka balerong ( Babantai kobau, darah taserak ,tanduak ba kubua dagiang di sopiah urang sanagori,saroto basumpah jo "SUMPAH ADAT", mambao urang banyak ka jalan nan elok, manogah babuek mungkar ), Tapi apo nan kito lakukan dari maso ka maso, Sering kita merasa tak peduli ateh apo nan tajadi, .  

Baitu pulo pihak Agomo (Imam ,bila ,kotik jo maulana) Indak sado nyo nan ikut memutuskan,satiok parkaro di nagori .

Ado nan paliang menyedihkan nan olah kito pakai ba tahun tahun  , Adolah istilah TOKOH MASYARAKAT (buliah lah kalau lai dari unsur adat jo agamo  nan bapakai)  , Iko bukan pakaian urang minang . Tokoh masyarakat di Nagori nagori tu Joleh ,sarupo Ka4 suku sabagai rajo di suduk , Pangulu (rajo di kampuang) , Manti / kaum ugomo ( Imam, bila ,Kotik ,Ngku luma) jo dubalang (Pangakok karojo di nagori jo kampuang). Codiak Pandai , Tuo baraka, Mudo nan tanamo, Pemuda nan mambuek nagori kito  banamo bayiak { Lulus Pol. Abri, Katua katua organisasi nan ado, saroto nan lah badiri),saroto Bundo kanduang.

Dari awal kito olah  ma asak jo mam bubuk adat  nan bapakai ,Sahinggo nan ka kito buek, nan kito totap kan sabagai undang nan ka di pakai totap  mati / ndak jalan, wacana tinggal wacana. sementara waktu terus berlalu ,aambo nan tahun 2000 mudo kinilah tuo. samantaro nilai moral /akhlak urang nagori , ekonomi ,agamo apo lagi adat samakin rusak jo batinggakan sahinggo kito makin terpuruk jo susah kalua dari kemelut akhlak ,ekonomi, agamo, adat  di nagori kito ko.

Baanyo untuak iko ko , Mari kito lotakkan sesuatu pado tompek nyo . Kito lotak kan pamimpin di nagori kito di tompek masiang masiang .  Kito mulai dari pengambilan keputusan  di nagori, satiok keputusan di buek dek pambiang cabiak ,panggontiang putuh ,  urang urang nagori nan olah 

"""BASUMPAH UNTUAK MAMBAOK ANAK NAGORI KA JALAN NAN DI RIDHAI ALLOH TAALA , MANOGAH MAMBUEK JAEK JO MUNGKA NAN DI LARANG AGAMO JO ADAT SAROTO UUD INDONESIA"""

Kok indak..... rela manarimo kutuak , sumpah Adat.

 Kito Tau saroto Yakin bahasonyo Urang nan lah basumpah , nyato di muko kito basamo , siang bak ari torang bak bulan , bagalanggang mato urang banyak . Adolah PANGULU NAN GODANG KA BALERONG ,DUBALANG NAGORI, JINIH NAN OMPEK, CODIAK PANDAI , TUO BARAKA, MUDO TANAMO (NAN DI LANTIK DEK KA4 SUKU NAN MANJABAT JO CARO BASUMPAH ) KA4 SUKU KO JUO NAN LAH GODANG KA BALERONG PULO /BALAI ADAT..

PIHAK  PAMARENTAH TONTU WALI NAGORI JO SEKRETARISNYO SAROTO  BAMUS  NAGORI  NAN AKTIF, 

Kalau kito urai lobiah torang jo joleh sasuai adat minang , Dalam membulatkan mufokat , Sabagai Undang nan bisa kito pakai basamo di maso nan ka datang adolah sarupo berikut :

PIHAK ADAT JO AGAMO ADOLAH.

  1. KA4 SUKU JO DAULAT NYO. ( DUBALANG , JINIH NAN OMPEK ,CODIAK PANDAI., TUO BARAKA, MUDO BANAMO .

2. PANGULU JO PANGIRIANGNYO.

(DUBALANG, TUO KAMPUANG, BUNDO KANDUANG).

SATIOK SUDUK ADO 13 URANG .

(Dinagori kito ado 9 suduk , jadi ado 117 urang).

PIHAK UNDANG NAN BALIKIH (PEMERINTAH).  WALI NAGORI , SEKRETARIS NAGORI, BAMUS , SAKITAR  9 URANG   .

 JADI LIMBAGO NAGORI KITO KO ADO SAKITAR 126 URANG ANGGOTANYO. 

LIMBAGO IKOLAH NAN KA MAMBIANG CABIAK , NANGGONTIANG PUTUH (SOBAB IKOLAH TOKOH MASYARAKAT NAN OLAH """BASUMPAH """UNTUAK MAMBAOK ANAK KAMANAKAN  BABUEK BAIK; ELOK  , MANOGAH SAROTO BARONTI BABUEK JAEK ,JAHIA LAGI HINO.

Itulah sekelumit buah pikiran nan mungkin dapek kito pabuek untuak mamparancak nagori di suduk akhlak, ekonomi ,sosial saroto hukum negara kito.

Limbak di baliak itu , Sasuai Sumpah nan ba baco untuak mambaok anak kamanakan ka jalan nan elok rontu tugas Basamo ,Sebagai muslim wajib manogak annyo, sasuai Pulo Jo ajaran SYARAK Kito ,anil fahsya iwal mungkar . 

Maklum pulang bokeh kito nan basamo.

Akhirul kalam .

Luko dek pisau banyak ubek ka panawa . Luko hati dek  kato ontah pabilo musim ka cegaknyo .  Salah ka Alloh joleh jo mintak ampun, salah rundiang mintak mooh pado  kito nan basamo....

 MO OH AMBO PINTAK BANYAK² . 

Wassalam Hadarmi Tuo baraka suduk  Sambilan dari  Tobek Panjang.

No HP HADARMI (WHATSAPPS).

Kembali ke google

Dibawah ini adalah link buku adat nagori koto baru simalonggang, nan tabagi 4 bab , mancampak 1 - 4.

1. Man campak nan paetamo

2.Mancampak nan ka Duo.

3. Mancampak nan ka tigo

4. Mancampak nan ka 4

Usaha Penulis.

Semoga bermanfaat .

https:"//www.google.com

 .